SF3c – Fleire språk
Leksjonsframdrift
0% fullført
Barn med andre morsmål kan få høyre eventyret på morsmålet sitt før det vert formidla på undervisningsspråket (majoritetsspråket) i stor gruppe.
Andre barn kan også med fordel delta i aktiviteten for å bygge kunnskap om språkskilnadar og likskapar. Korleis er det å møte eit ukjent språk? Kan vi lære ordet på fleire språk, på Eric sitt språk? Ei slik tilnærming kan bidra til å verdsette morsmåla som finst i barnegruppa, og barn som manglar ferdigheiter på majoritetsspråket får moglegheiten til å vise ferdigheiter gjennom morsmålet sitt.
Aktivitetar
Kva seier Rammeplanen?
Gjennom arbeid med kommunikasjon, språk og tekst skal barnehagen bidra til at barna
- møter eit mangfald av eventyr, forteljingar, segner og uttrykksformer
- opplever spenning og glede ved høgtlesing, forteljing, song og samtale
Personalet skal
- synleggjere språkleg og kulturelt mangfald, støtte barna sine ulike kulturelle uttrykk og identitetar og fremje mangfald i kommunikasjon, språk og andre uttrykksformer
- bruke varierte formidlingsformer og tilby eit mangfald av bøker, songar, bilete og uttrykksformer
Gjennom arbeid med kunst, kultur og kreativitet skal barnehagen bidra til at barna
- møter eit mangfald av kunstnariske og kulturelle uttrykksformer og utforskar og deltek i kunst- og kulturopplevingar saman med andre
Personalet skal
- synleggjere og skape estetiske dimensjonar i inne- og uteromma i barnehagen
- gi barna høve til å bli kjende med eit mangfald av tradisjonar og kunst og kulturuttrykk frå fortid og samtid
- bidra til at kulturelt mangfald blir til glede for heile barnegruppa