SF2c – Fonologisk medvit
I arbeid med orda kan du endre perspektiv til fonologisk medvit.
Spørsmål som trener fonologisk medvit
Kor mange klapp har ordet?
Er det eit kort eller eit langt ord?
Kva lyd kjem fyrst i ordet?
Kva lyd byrjar ordet med?
Er det fleire ord som byrjar på same lyd?
Kva rimer ordet på?
Aktiviteter
Stavingar er grunnleggande element i språket. Ei staving kan definerast som ein del av talespråket som utgjer eitt enkelt rytmisk slag. Eit ord kan ha ei eller fleire stavingar.
Ved å klappe stavinga samtidig som omgrepet på ordkortet blir sagt høgt endrar ein perspektivet til fonologisk medvit. Varier gjerne med å hoppe, trampe, slå i bordet, eller bruke rytmeinstrument.
Ei vanskelegare oppgåve kan vere å snakke om lengda eller talet på stavingar i orda. «Tind» er eit kort ord med ei staving, medan «samen» er eit lengre ord med to stavingar. Ordet «Storfuglen» er lengst av dei tre. Det har tre stavingar.
Kva seier Rammeplanen?
Gjennom arbeid med kommunikasjon, språk og tekst skal barnehagen bidra til at barna
- vidareutviklar omgrepsforståinga og bruker eit variert ordforråd
- leiker, improviserer og eksperimenterer med rim, rytme, lydar og ord
Personalet skal
- invitere til ulike typar samtalar der barna får fortelje, undre seg, reflektere og stille spørsmål
- oppmuntre barna til å fabulere og leike med språk, lyd, rim og rytme
- inkludere alle barna i språkstimulerande aktivitetar