B4g – Konstruere NN
Leksjonsframdrift
0% fullført
Aktivitetar
Bruk klossane og terningane til å bygge og konstruere. Kan klossane bli til ein bil, ein båt, ein buss eller eit slott?
Gi barna i oppgåve å plassere klossane i rekkefølgje etter storleik, høgde, breidde osb. Kjenn på tyngda på klossane, og legg klossane i rekkefølgje etter kor tunge dei er. Lag mønster og andlet ved hjelp av dei geometriske formene på terningane.
Øv på preposisjonane ved å be barna sette den minste bukken oppå brua, under brua, bak brua, ved sida av brua osb. Du kan også plassere alle klossane ulike stadar i forhold til brua, og spørre barna kven som står framfor, oppå, under, bak osb.
Kva seier Rammeplanen?
Gjennom arbeid med mengd, rom og form skal barnehagen bidra til at barna:
- oppdagar og undrar seg over matematiske samanhengar
- leiker og eksperimenterer med tal, mengd og teljing og får erfaring med ulike måtar å uttrykkje dette på
- erfarer og samanliknar storleikar i omgivnadene
- undersøkjer og kjenner igjen eigenskapar ved former og sorterer dei på forskjellige måtar
- undersøkjer og får erfaring med å løyse matematiske problem og opplever glede ved matematikk
Personalet skal:
- leggje til rette for matematiske erfaringar gjennom å bidra med matematiske idear og utdjupande samtalar i leik og kvardag
- stimulere og støtte barnas evne til problemløysing og hjelpe dei til å vere uthaldande