Máhttá gássjelis diehtet makkár subttsasijn galggá álgget gå vuostasj bále Troll i ord-nævov aná, ja ij subttsasijt dåbdå. Danen lip muhtem rádijt tjoahkkim mánájgárdijs ma nævov juo moadda jage li adnám.
Da gietjav subttsasa
Troll i ord-rájdon li 7 subttsasa ma moatte væráltguovlojs båhti. Gålmmå hábrrá, «Påfuglen og ravnen» ja Krokodilla ja riebij li åni ja álkkes subttsasa ma gájkka mánájda hiehpi.
Da guokta sáme subttsasa, Stálo ja Tjáhtjevuolrijka birra, aktan Báhttja ja Nuorttobiegga ja «Skomakeren Dratewka» li guhkep subttsasa ma álu buorebut stuorámus mánájda mánajgárden ja skåvllåmánájda hiehpi.
Espira Salamonskogen náv moalget: «Ale subttsasav vállji dåssju máná álldara milta.»
Gatjálvisá ma li ávkken:
- Makkár báhkoboanndudahka le mánán/mánájn
- Majt mánná sihtá/máná sihti oahppat?
- Massta berusti?
- Majt árggabiejven dárbahi/Mav árggabiejven vásedi?
- Åni subttsasa gájkajda hiehpi
Vuogas ráde
Jus ájn ij diede makkár subttsasav galga válljit, de Espira Salamonskogen:a ráde le «Påfuglen og ravnen»-subttsasijn álgget. Subtsas hiehpá mánájda juohkka álldarin ja moatte berustimij. Tiemá bájno ja háme máhttelisvuodav vaddi moadda sierralágásj dåjmaj barggat gånnå máná bágojt ja buojkuldagájt oadtju hárjjidallat ma mánájgárddáj ja ietjá dilijda árggabiejven guosski.
Giellaæskon konkriehtaj «påfuglen og ravnen»-subttsasij tjuovvu duola dagu bræhttaspella bájnoj birra. Spella le álkke oahppat ja berustimev båktå sihke nuoramus ja stuorámus mánájn. Spella ij åvdep máhtov jali dárogielmáhtudagáv gájbbeda. Sæmmi bále de spella vaddá buorre máhttelisvuodav buojkuldagájt adnet ja dåjmav tjadnat subttsasa dáhpádusájda ságastallamav ja ájádallamav båvtåtjit. Spellatjulkojn li bájno, ja brehta dajvajn aj. Viertti vuorddet desik duv vuorro le, avtav ja avtav bájnnotjulkov válldet ja riekta sadjáj bårddot ietjas dajvajt brehtan dævdátjit. Máná ruvva nubbe nuppes oahppi ja ållessjattuk máhttá dåjmalattjat viehkedit nabddema ja gærddoma baktu, ja mujttádit majt bájnokbadoj ja garjjá bájnoj dagájga subttsasin, ja nav ságastallamav båktet bájnoj ja dáhpádusáj birra.