Mij la Troll i ord?
«Troll i ord» le nævvo giellaarvusmahttema hárráj mánájgárdijda ja skåvlåjda. Nævo vuodon li dålusj subttsasa, ja konkriehta ja digitála sisano aneduvvi aktan subttsastallamijn ienep gå 30 giellaj.
Troll i ord baktu galggi máná muhtem sisanov dádjadit ja oahppat sisanov nuppádis subtsastit njálmálattjat, visualisierima ja ietjá gaskostimvuogij baktu. Máná aj oadtju hárjjidallat gåktu tjielggit ja ájádallat madin ietjasa sisanov dahki. Dåjmaj baktu le máhttelis moattelágásj vuogij milta barggat ja moadda oahppamstrategijjajt adnet.
Lær meg norsk før skolestart
Giellaåtsådiddje Margareth Sandvik aktan iehtjádij li dahkam prosjevtav «Lær meg norsk før skolestart!» Oslo stádabieles Bjerke. Prosjækta le vaddám giellaarvusmahttema ja dárkustimvuogev mánájgárdijda. Vuohke vuoset gåktu máhttá buorre giellabirrusa hárráj barggat mánájgárden – gájkka mánájda.
Rammapládna
Rammaplána milta de mánájgárdde galggá guládallamav ja gielav åvdedit. Rammapládna aj javllá mánájgárde bargge galggi viehkedit nav vaj gielalasj moattevuohta le buorren/ávkken ålles mánnávehkaj, galggi moattegielak mánájt viehkedit ietjasa iednegielav sáhkadit ja sæmmi bále dåjmalattjat åvdedit ja åvddånahttet mánáj dáro-/sámegielalasj máhtudagáv.
Mánájgárdde le ájnas mánáj gielalasj máhtudagáj åvddånahttemij, vájku siján li dárogiella jali ietjá giella iednegiellan. Subttsasehpa, konkriehta ja åhpadiddjeæhppa Troll-i-ord-nævon galggi mánájgárdev viehkedit bargujn mij guosská guládallama ja giela åvdedibmáj. Subttsastimgiela ienep gå 30 giellaj, aktan subttsasij moatte væráltguovlojs, tjalmostahtti ja árvov vaddi gielalasj moattevuohtaj mánájgárden.
Kurssa ja guovddo
Troll i ord – KURSSA galggá barggijt oatsodit giellabargo hárráj mánájgárden jali skåvlån ja máhttá viettjaduvvat æhppan iPad:aj ja iPhone:aj, ja næhttakurssan gájkka ietjá vuogádagájn.
Kurssa vuoset åhpadiddjáj gåktu barggo Troll i ord-nævojn máhttá tjadáduvvat mánájgárden jali skåvlån.
Ålles barggojuogos oadtju dav sæmmi álggoåhpadimev giellanævvuj, ja guhkesájggásasj barggo bærrájgehtjaduvvá gå ådå bargge máhtti dav sæmmi åhpadimev ehpa baktu oadtjot, akta goassa.
Kursav viertti abonnierit ja le persåvnålasj. Jus galggá ålles kursav de mánájgárdde jali skåvllå máhttá juogosdiŋŋgumav ádnot ja mierredit galla addne galggi. Juohkka addne oadtju ietjas addnenamáv ja bessambágov, ja man rádjáj kursajn le boahtám, ja ietjá hiebadime, vuorkkiduvvi ja tjanáduvvi addnekontuj.
Kursan li niellja oase: dárkustibme, åvddåbarggo, tjadádibme ja maŋŋebarggo, sierralágásj vuogij báhkovaljesvuodav ja buojkuldakdádjadusáv buoredittjat. Kurssa vuoset konkriehta dahkamusájda ja buojkulvisájda, ja dahká vaj bargge ja máná iesj máhtti muhtem oasev sisanos dahkat ja ådå dåjmajt duoddit. Gåvå prosessas ja buktagijs máhtti aj kurssaj biejaduvvat måvtåstuhtátjit ietjá mánájgárdijt ja skåvlåjt, ja duodastussan máhttá æjgádijda jali iehtádijda liehket. Ehpa baktu åhpadiddje bessá guovdduj gånnå le máhttelis vuogij ja dåjmaj birra árvvaladdat barggoguojmij ja iehtjádij.
Subttsasij adnem
Giellaárvvusmahttemhámijt litteratuvrraj tjadnat gullu Troll i ord:aj. Da gietjav subttsasa ma rájdon li, båhti sierra guovlojs, ja digitála sisanon gávnnuji subttsastimgiela ienep gå 30 giellaj.
Troll i ord
- jiednafijlajt ja dahkamusájt moatte giellaj adná
- gájkka mánájda le vájku makkár iednegiella siján li
- ávttji ålles rubmaha baktu oahppat
- åvddånahteduvvam le aktan giellaåtsådiddjijn
- dagáduvvam le «Lær meg norsk før skolestart!» milta
- ájnna stoagos/ohpponævvo le, mij Vuonan buvtaduvvam le, ja mij Svanemerket:is. dåhkkiduvvam.
Válde aktijvuodav miján:
GROM as
Web: trolliord.no
E-post: trolliord@grom.no
Trollkjelsvegen 26
5726 Vaksdal