Mij la Troll i ord?
Troll i ord le nævvo giellaarvusmahttema hárráj mánájgárdijn ja álggodásen skåvlåjn. Nævvo ja barggamvuoge li åvddånahteduvvam máhtudakulmij milta Rámmaplánan mánájgárdijda jages 2017. Troll i ord:a vuodon li subttsasa. Giellaarvusmahttemvuogijt girjálasjvuohtaj tjadnat le ájnas dåbddomærkkan Troll i ord:as.
Digitála sisanon mij Troll i ord:aj gullu li subtsastimgiela ienep gå 30 giellaj.
Manen berustip iednegielav ja gielalasj moattevuodav mánájgárden/skåvlån?
Gielalasj moattevuohta le ájnas sihke ulmutjij ja sebrudahkaj – ja Troll i ord:ajn sihtap nævov fállat mij gielalasj moattevuodav mánájgárden ja skåvlån arvusmahttá ja nanni.
Máná ma iednegielladårjav mánájgárden oadtju buorebut fágalattjat bierggiji. Nav le dajnas gå álkkep le máhtudagáv oahppat giela baktu mav buoragit dåbddå, ja dajnas iednegiella bierri aneduvvat oahppamgiellan. Gå mij berustip giellaarvusmahttemav sihke iedne- ja nuppegiellaj, de dav ájnas dádjadusáj vuodon sihke nasjåvnålasj ja rijkajgasskasasj åtsådallamijs dahkap. Tjielgga dádjadus le juhti álkkep le ådå gielajt oahppat gå iednegiella buoragit åvddånahteduvvam le. Máhtudagá avtat gielas sirddeduvvi nuppe giellaj jus birás le arvusmahttelis. Sæmmi láhkáj nubbegiella suojmma åvddån jali værámus dilen hiereduvvá, jus iednegielmáhtudagá ælla rat åvddånahteduvvam.
Manen la dån æjgádin/åvdåstiddjen ájnas resurssa giellaåhpadimen?
Æjgáda/åvdåstiddje máhtti riek ájnas resurssan liehket iednegielmáhtudagájt åvddånahtátjit, sierraláhkáj mij guosská tjálalasj giela berustime nannimij ja gåtsedibmáj.
Mij doajvvop sihtabihtit sæbrrat Troll i ord-nævo gæhttjalibmáj ja guoradallamij, ja juhti doarjjabihtit låhkåma ja girjálasjvuodalasj ságastallama ájnasvuodav.